Тоног төхөөрөмжийг ашиглах заавар

Тус төхөөрөмж нь идэвхитэй идэвхигүй 2 төрлийн хүрднээс бүтнэ.

Нэг ёсондоо хурдасгуураар дамжуулан гол араа болон туслах арааг хөдөлгөн эргэлдүүлдэг.

Гол хүрдэн дээрх хэв нь туслах хүрдэн дээрх хэвнээс 3-4 мм-ийн өндөрт байвал гарч байгаа түлш нь зөв хэлбэртэй гарна. 1-2мм-н алданги байж болно.

Тохиргоо хийхдээ арааны хамгаалалтыг авахад араат хүрд харагдах бөгөөд идэвхигүй буюу туслах араат хүрдэн дээрх боолтыг суллана. Ингэснээр хүрдийг эргүүлж болох ба тохиргоо хийсний дараа туслах голыг бэхлээд гол хүрд нь туслах хүрднээс 3-4мм өндөрт байхаар тохируулна. Дараа нь идэвхигүй буюу туслах хүрдэн дээрх боолтыг чангалаад гараараа хэд хэдэн тойрог хоосон эргүүлнэ. Үүний дараа хэвлэж болно

Тоног төхөөрөмжийг унтраасны дараа хүрд болон тэжээгч бункерийн түүхий эдийг цэвэрлэх шаардлагатай.

2 хэвлэгч хүрдний хоорондын зайг 2мм байхаар тохируулж болох боловч хоорондын зайг хэт ойртуулж болохгүй. 0.5мм багагүй байна.

Тоног төхөөрөмжийг тээвэрлэх явцад зарим нэг боолт суларсан байж болзошгүй тул  төхөөрөмжийг ажиллуулахаас өмнө бүрэн бүтэн байдал боолт суларсан эсэхийг сайтар шөлгаж суларсан бол чангалж боогоорой.

Тээвэрлэх явцдаа ремен, конвейр, түүхий эдийн сав, зэргийг салгаж тээвэрлэнэ.

Хөдөлгүүрийн гурвалжин ременийг сайн тохируулсны дараа төхөөрөмжийг асаахаас өмнө гараараа хэд эргүүлж дараа нь төхөөрөмжөө асаагаад түүхий эдээ хийнэ. Хэвлэх түүхий эд нь заавал нунтаг түүхий эд байна. Төмөр чулуу гэх мэт хатуу эд зүйлс орохоос сэргийлээрэй. Учир нь арааг эвдэх талтай.

Нүүрс болон бусад түүхий эдийн харьцаа 10%-20% байна. Шороо хийж болно. Гэхдээ 20% хэтрэхгүй байна. Нүүрсний нунтаг дээр ус хийж холиод 8 цаг болвол чийглэг нь жигд болж хэвлэхэд илүү сайн үр дүнтэй байх болно.